၂၀၂၃ မှာကြုံတွေ့ရမည့် အယ်လ်နီညို ဟာ ပြင်းထန်တဲ့ရာသီဥတုမျိုး ဖြစ်ပါတယ်။ ပူပြင်းခြင်းရဲ့ နောက်ဆက်တွဲ ပြဿနာများအဖြစ် မိုးတိမ်တောင် ရာသီဥတု ပုံစံတွေဖြစ်တဲ့ ရုတ်တရက် မိုးထစ်ချုန်းရွာခြင်း၊ မိုးသီးများကြွေကျခြင်း၊ လေပြင်းမုန်တိုင်း တိုက်ခတ်ခြင်းတို့ ဆက်လက်ဖြစ်ပေါ်လာနိုင်ပါတယ်။ ရာသီဥတု ပူပြင်းမှုကြောင့် မိုးခေါင်ရေရှားမှုဒဏ်ကို အထက်အညာဒေသမှာ ကြုံတွေ့ခံစားရနိုင်ပါတယ်။ အပူဒဏ်ကာကွယ်ခြင်း နည်းလမ်းများအကြောင်းကိုလည်း ယခင်ဆောင်းပါးမှာ ရှာကြည့်နိုင်ပါတယ်။
လူသားတွေရဲ့ အတောမသတ်နိုင်တဲ့ လောဘ နဲ့ အတ္တစိတ်ဟာ ပူပြင်းတဲ့ နွေထက် ပိုမိုပူလောင်ပါတယ်။ လူသားတွေကြောင့်ပဲ ကမ္ဘာကြီးဟာ တစ နှင့်တစ ပူနွေးဆူဝေလို့ နေပါတယ်။ ဒိအတိုင်းဆက်သွားကြလျှင်တော့ သိပ်မကြာတော့တဲ့ ကာလတစ်ခုမှာ ကမ္ဘာကြီးဟာ လူတွေနေထိုင်လို့ မရလောက်တဲ့အထိ ပြောင်းလဲသွားတော့မှာပါ။ ထိုကာလမတိုင်ခင်အထိကတော့ အသိဉာဏ်ပညာနဲ့ လိမ္မာတိုးတက်တဲ့ နိုင်ငံတွေသာ ကျန်ရစ်မှာဖြစ်ပြီး..၊ ပညာဉာဏ် နည်းပါးတဲ့ နိုင်ငံများကတော့ ဤဒုက္ခများကို မချိမဆံ့ ခံစားပြီးမှ ကမ္ဘာကြီးပေါ်ကနေ တဖြည်းဖြည်းပျောက်ကွယ်သွားကြမှာပဲ ဖြစ်ပါတော့တယ်။
အနာဂတ် ပညာရေးအတွက် မျှော်လင့်ရင်း..
သန့်ဦး (အာကာသနှင့် စကြဝဠာ သင်ထောက်ကူ)
Post a Comment