ကျေးဇူးတရားဆိုတာ မဆပ်ချင်တောင်မှာကျေးဇူးရှင်ကို ကျေးမစွပ်ကောင်းဘူး

နအဖ အစိုးရက သဖန်းဆိပ်ဆည်ကြီးကို
မဆောက်ခင်အချိန်တုန်းက
ရွှေဘိုနယ်အပါအဝင် ဝက်လက်၊ ခင်ဦး၊ ရေဦး၊ ဒီပဲယင်း၊
အရာတော်၊ စိုင်ပြင်၊ တန့်ဆည်နယ်တစ်ခုလုံးမှာ
ချိုးစရာရေ မပြောနဲ့ သောက်စရာရေတောင်
မနည်းရှာနေရတဲ့ အချိန်တွေဖြစ်ခဲ့ဘူးတယ်..

ရေငန်သောက် မြက်ခြောက်စားဘို့နေနေသာသာ
မြက်ခြောက်နဲ့ သောက်စရာ ရေငန်တောင်မရှိလို့
နွားစာကျင်းထဲမှာ ရေချိုးပြီး
ချိုးပြီးသားရေကို နွားကိုတိုက်ရတဲ့အထိ
ရေရှားပါးခဲ့တဲ့ဒေသတွေပါလို့ ၂၀၀၁ အရှေ့ပိုင်း က လူကြီးသူမတွေအကုန်သိခဲ့ကြတယ်..
ရေတွင်းတူးရင် ရေခံမရှိတဲ့ဒေသဖြစ်လို့
အနက်ပေ ၄၀၀/၅၀၀ တူးရင်တောင် ရေမထွက်ဘူးတဲ့

နောက်ပြီး..
အလောင်းမင်းတရားကြီးဦးအောင်ဇေယျပိုင်ခဲ့တဲ့
လယ်မြေတွေအကုန်လုံး ဘာသာခြားတွေလက်ထဲ
ရောက်သွားရတဲ့ အခြေခံအကြောင်းရင်းတွေက
လယ်မြေတွေ ရေမရလို့ မစိုက်ပျိုးနိုင်တဲ့အတွက်
ဈေးပေါ်ပေါနဲ့ ရောင်းချခဲ့ရတယ်ဆိုတာ
ဒေသအကြောင်းကိုစိတ်ဝင်စားတဲ့
ရွှေဘိုနယ်သားတွေအားလုံး အကုန်သိတယ်..

နအဖ ဆိုတဲ့တပ်မတော်အစိုးရလက်ထက်မှာ
ကျွန်းလှမြို့ကြီးတစ်ခုလုံး ရေအောက်ကိုရောက်သွားတဲ့အထိ သဖန်းဆိပ်ဆည်ကြီး တည်ဆောက်ပြီးနောက်ပိုင်း
ကျနော်ပြောခဲ့တဲ့ ရွှေဘိုခရိုင်တစ်ခုလုံးအပါအဝင်
ဒေသတော်တော်များများ ဆည်ရေရရှိပြီး
ဆန်စပါးအဓိကစိုက်ပျိုးရာဒေသကြီးဖြစ်ခဲ့သလို
ရွှေဘိုပေါ်ဆန်းဆိုတာ နာမည်ကြီးသည်အထိ
ဒေသတစ်ခုလုံး စိုက်ပျိုးရေးနဲ့ စီးပွားရေးဖွံ့ဖြိုးခဲကြတယ်..

NLD အုပ်ချုပ်ခဲ့တဲ့ ၅ နှစ်အတွင်း
မဲဆွယ်ကာလမှာ ကိုဗစ်ထောက်ပံ့ငွေ ၂၀၀၀၀ ပေးတာကို
ပါတီက ထောက်ပံ့တယ်ထင်လောက်အောင်တုံးခဲ့တဲ့
အဲဒီဒေသက ဗမာတွေက
လွန်ခဲ့တဲ့ နှစ် ၂၀ လောက်က တပ်မတော်အစိုးရကျေးဇူးကို မေ့လိုက်ကြတယ်..

ဆည်ရေတစ်ငုံသောက်မိတိုင်းမှာ
ဆည်တွေတည်ပေးခဲ့တဲ့ သူတွေကို ကျေးဇူးတင်ရမှန်း
မသိတော့ဘူး..
နိုင်ငံရေးမှိုင်းတွေကြားမှာ
ကျေးဇူးရှင်ကို ကျေးပြန်စွပ်ကြတယ်..
အဲဒီအကျိုးကို အခု ဒေသခံတွေပြန်ခံနေရပြီ..

စိုက်ပျိုးချိန်မှာ မစိုက်ပျိုးနိုင်တော့သလို
အရင်က စပါးထွက်တဲ့ဒေသတွေဖြစ်ခဲ့ပေမယ့်
အခုတော့တခြားမြို့ကစပါးတွေပြန်တင်သွင်းရတဲ့အထိ
စပါးစိုက်ပျိုးထုတ်လုပ်နိုင်မှု အများကြီးကျဆင်းသွားရတယ်လို့
အစီရင်ခံစာတွေအရသိရတယ်..

ကျေးဇူးတရားဆိုတာ မဆပ်ချင်တောင်မှာ
ကျေးဇူးရှင်ကို ကျေးမစွပ်ကောင်းဘူး..။
Tin Oo Myint Aung