ရှမ်းပြည်နယ်၊ လားရှိုးမြို့၊ ရပ်ကွက် (၁)၊ နယ်မြေ (၉)၊ လားရှိုး-မန္တလေးသွားကားလမ်းပေါ်ရှိ အာသောက ဆီဆိုင်အား KIA လက်နက်ကိုင်အဖွဲ့မှ သြဂုတ်လ ၂၅ ရက် ညနေ ၃ နာရီ ၃၀ နာရီအချိန်က ကားဗုံးဖောက် ခွဲခဲ့ကြောင်း သိရသည်။
လားရှိုးမြို့တွင်းမှ မောင်းလာသော ကယ်ဒီနာကားအဖြူရောင်၊ ယာဉ်အမှတ် 1L/9070 ယာဉ်သည် ဆီဖြည့်ရန် ဆိုင်အတွင်းမောင်းလာပြီး ဆီဖြည့်နေစဉ်တွင် အဆိုပါ ယာဉ်၏ ယာဉ်မောင်းအမျိုးသားသည် ဆိုင်အတွင်းမှ ထွက်ခွာသွားခဲ့ကြောင်း သိရသည်။
ဆီဖြည့်ပြီးချိန်တွင် အဆိုပါကားအတွင်းမှ ပေါက်ကွဲပြီး မီးလောင်သဖြင့် ဝန်ထမ်းများက ငြှိမ်းသတ်ခဲ့ရာ ခေတ္တ အကြာတွင် မီးငြိမ်းသွားခဲ့ကြောင်း၊ မီးလောင်သည့်နေရာအား လုံခြုံရေးတပ်ဖွဲ့ဝင်များက လာရောက် စစ် ဆေးရာ ကားအတွင်း ဓါတ်ဆီပုံးနှစ်ပုံးနှင့် မပေါက်ကွဲသေးသော လက်ပစ်ဗုံးတစ်လုံး သိမ်းဆည်းရမိခဲ့ကြောင်း သိရသည်။
ဆိုင်ရှိ CCTV မှတ်တမ်းအရ ယာဉ်မောင်းသူသည် ဆီဆိုင်မှ ထွက်ခွာသွားပြီး ဆိုင်အပြင်၌ အသင့်စောင့် နေသော ဆိုင်ကယ်မှ တင်ဆောင်သွားကြောင်း သိရသည်။
#Peoplemedia
Post a Comment