လောက်ကိုင်(ဒကစ) ကြီး လက်နက်ချလိုက်ပေမယ့် လောက်ကိုင်မြို့အပေါ်ဘက်မှာရှိနေတဲ့ စကခ (၁) ကျောက်မဲအခြေစိုက် စကခဟာ လက်နက်မချခဲ့ပါဘူး။
-
လောက်ကိုင်အထက်က ပွိုင့် ၂၂၀၂ ခံစစ်စခန်းပေါ်မှာ စကခ ၁ မှူး ဗိုလ်မှူးချုပ် မင်းမောင်ရဲ့ အင်အား ၃၅၀ ကျော် အရာရှိ/စစ်သည်များဟာ စစ်သူရဲကောင်းပီသစွာနဲ့ ရန်သူထံ လက်နက်မချဘဲ ခုခံတိုက်ခိုက်ဖို့ ပြင်ဆင်ခဲ့ပါတယ်။
-
နောက်ဆုံးညှိနှိုင်းချက်အရ အကိုကြီးတို့သဘော ကျွန်တော်ကတော့လက်နက်မချနိုင်ဘူးဆိုပြီး ငြင်းဆန်ပြီး ပွိုင့် ၂၂၀၂ အပေါ်ပြန်တက်သွားသူတစ်ယောက်ပါ။
-
မှတ်မှတ်ရရ လောက်ကိုင် ဒကစမှူးနဲ့ ဗိုလ်မှူးချုပ်အဆင့် ၆ ဦးအပါအဝင် အရာရှိ/စစ်သည်အင်အား ၂၁၀၀ ကျော်ဟာ လက်နက် ၄၀၀၀ ကျော်နဲ့ အမြောက် ဒုံးများ တင့်ကား သံချပ်ကားများကို နေ့လည် ၁၁ နာရီလောက်ထဲက အပ်နှံနေခဲ့တာ ညပိုင်း ၁၀ နာရီကျော်အထိပါပဲ။
-
အခြေအနေကို ရိပ်စားမိတဲ့ တပ်ချုပ်ကြီးနဲ့ ဒုတပ်ချုပ်ကြီးတို့ဟာ ပွိုင့်၂၀၂၂ စခန်းပေါ်က စကခ ၁ မှူး ဗိုလ်မှူးချုပ် မင်းမောင်နဲ့ အရာရှိ/စစ်သည်များကို ထပ်မံ မဆုံးရှုံးစေရေးအတွက် ပြန်ဆုတ်လာခဲ့ဖို့ အမိန့်ပေးခဲ့ပါတော့တယ်။
-
ကျွန်တော် မဆုတ်ချင်ဘူး အသေခံ ချပါရစေဆိုပြီး ငြင်းဆန်ခဲ့ပါသေးတယ်။
-
ဒုချုပ်ကိုယ်တိုင်ဖုန်းဆက်ပြီး ဆုတ်လာဖို. အမိန့်ပေးလာချိန်မှာတော့ အမိန့်ကိုနာခံပြီး ငိုက် ၄ ငိုက်ဖြစ်တဲ့
* ပထဝီအငိုက်
* အချိန်အငိုက်
* ရာသီအငိုက်
* ရန်သူအငိုက်
တို့ကိုယူပြီး ညအမှောင်ကိုအကာအကွယ်ယူရင်း စနစ်တကျ ခွါစစ်ဆင်ခဲ့ပါတယ်။
-
ညအချိန် အမှောင်ထုကိုကာကွယ်ယူရင်း ဓါတ်မီးမသုံး၊ ဆေးလိပ်မသောက်၊ ချောင်းမဆိုးကြဘဲ ချမ်းအေး လွန်းတဲ့ ရာသီဥတုနဲ့ အ ကာလ ညအမှောင်ထဲမှာ ကြယ်ရောင်ကိုအားပြုပြီး တရွေ့ရွေ့ ချီတက်ခဲ့ပါတယ်။
-
ထမင်းဆာလာရင် ရေဘူးထဲက ရေတွေကုန်လို့ ဆုတ်ခွါရာလမ်းတစ်လျှောက်က စိမ့်စမ်းရေ တစ်ချို့ကို အာဟာရအဖြစ်မှီဝဲပြီး လိုရာခရီးကို ချီတက်ခဲ့ကြတယ်လို့လည်းသိရပါတယ်။
-
လောက်ကိုင်မြို့မှာတော့ ရန်သူတွေက အောင်ပွဲခံ ပျော်ပါးနေကြချိန်ဖြစ်သောကြောင့် အလစ်မငိုက် ရယူပြီးဆုတ်ခွာနိူင်ခဲ့ပါတယ်။
-
လားရှိုး ရမခတွင် လှုပ်ရှား ကစထ ရဲ့ ဆက်သွယ်ရေးစက်ပေါ်ကနေ ၂ နာရီတစ်ကြိမ် ၄ လုံး ၆ လုံး မပညများ၊ အချိန်များပေးပြီး မြေပုံထောက်နေကြတဲ့ စစ်ဆင်ရေး အထူးအဖွဲ့မှူးနဲ့ ဒုတပ်ချုပ်ကြီးတို့ ကလည်း တောက်လျှောက် စောင့်ကြည့်နေကြရပါတယ်။
-
လောက်ကိုင်ကျပြီးနောက်တစ်ရက် မှာတော့ ရန်သူနဲ့ အတော်ဝေးရာ ကျည်လွတ်မြေရောက်တော့ MI17 ရဟတ်ယာဉ်တွေနဲ့ MI35 တိုက်ခိုက်ရေးရဟတ်ယာဉ်စုဟာ ဗိုလ်ချုပ်မင်းမောင် ဉီးစီးတဲ့ စကခ ၁ မှ အရာရှိ စစ်သည်များနဲ့ ပူးပေါင်းနိူင်ခဲ့ပါပြီ။
-
အဲ့ဒီနောက်မှာတော့ အခေါက်ခေါက်အခါခါဖြင့် နေရာတစ်ခုကို ပို့ဆောင်ပေးခဲ့။
-
သူတို့အားလုံးမှာ ကိုယ်စီကိုင်ဆောင်ထားကြတဲ့ လက်နက် ခဲယမ်း နဲ့ ဗုံးသီး ဒုံးသီးများ တပါတည်း ပါလာခဲ့ကြပါတယ်။....
-
စိတ်ဓါတ်ကတော့ စံပြု ထိုက်သူ စစ်သူရဲများပါပဲ။ လေးစားဦးညွတ်ပါသည်ခင်ဗျာ။
-
ယခု ကျမ္မာရေးချို့တဲ့သူ၊ ဒါဏ်ရာရသူ အရာရှိ စစ်သည်များကို စစ်ဆေးရုံမှာ ဆေးဝါးကုသပေး လျက်ရှိတယ်ဟု သိရပါတယ်။
-
သူလို စိတ်များထားနိူင်ကြပါစေ။
-
အောင်မြင်စွာ ဆုတ်ခွာခြင်းနဲ့ လက်နက်ချခြင်းဟာ သဘောသဘာဝမတူပါဘူး။
Post a Comment