"သမိုင်းမှန်​ပြောကြား တိုက်ပွဲဝင် ပန်းချီကားများပြပွဲ"

နေရာ - ဆင်ဖြူရှင်ခန်းမ၊ စ.တ.ခ ၃၊ ရွာ​တော်
ဒီပန်းချီပြပွဲက သာမန်မဟုတ်ဘူးလို့ ဦးစွာ ​ပြောချင်တယ်။ ဘာလို့လဲဆိုရင် သမိုင်း၊ ရာဇဝင်၊ ဒဏ္ဍာရီ​တွေထဲက တိုက်ပွဲ​တွေကို ပန်းချီဆရာ စိတ်ကူးနဲ့ ပုံ​ဖော်​ရေးဆွဲထားတာမျိုး မဟုတ်ဘူး။

 သမိုင်းဝင်တိုက်ပွဲ တစ်ခုစီကို ​သေချာဖတ်ရှု​လေ့လာတယ်၊ ​ခေတ်အလိုက် ဝတ်စားဆင်ယင်မှု၊ အသုံးအ​ဆောင်ပစ္စည်း​တွေ၊ တိုက်ပွဲဖြစ်ပွားခဲ့တဲ့ ​နေရာ​ဒေသ အခင်းအကျင်း၊ အသုံးပြုတဲ့ လက်နက်၊ ​ရှေးမြန်မာ့တပ်မ​တော် ဖွဲ့စည်းပုံဖြစ်တဲ့ ​ခြေလျင်တပ်​၊ မြင်းတပ်၊ ဆင်တပ်၊ ​လှေတပ်၊ စစ်အင်္ဂါ ၄ ပါး စသည်ဖြင့် ​သေ​သေချာချာ research လုပ်ပြီးမှ အချိန်ယူ ​ရေးဆွဲထားတဲ့ ပန်းချီကား​တွေ ဖြစ်လို့ပါ။ ​

နောက်တစ်ချက်က ​ရေးဆွဲတဲ့ ပန်းချီဆရာ​တွေဟာ တပ်မ​တော်မှာ တာဝန်ထမ်း​ဆောင်​နေကြတဲ့ အရာရှိ၊ အရာခံ၊ အကြပ်၊ တပ်သား​​တွေရဲ့ လက်ရာ​တွေပါ။ ​နောက်ပြီး ပန်းချီ​တွေဟာ ဆီ​ဆေးပန်းချီကား​တွေ ဖြစ်​နေပါတယ်။ တိုက်ပွဲ ပန်းချီကား​တွေနဲ့ ဆွဲလက်စ ခဲပုံကြမ်း ပန်းချီကား​တွေ၊ ရှုခင်းပုံ၊ လူပုံ စသည်ဖြင့် ပန်းချီကားများစွာ ပြသထားတာ ​​လေ့လာ​တွေ့ရှိရပါတယ်။
အကြိုက်ဆုံး ပန်းချီကား​တွေ အ​နေနဲ့ ​ကောင်းတုံခံတပ်တိုက်ပွဲပန်းချီကား၊ အင်းဝမြို့တည်ပန်းချီကား၊ တပင်​ရွှေထီး အယုဒ္ဓယချီခန်း၊ သမိန်​ထောရာမနှင့် ဘုရင့်​နောင် ဆင်စီးချင်းတိုက်ပွဲ၊ အ​ကောက်​တောင်တိုက်ပွဲ၊ ဘိုး​တော်ဘုရား အာသံပြည် စစ်ချီပုံ ပန်းချီကားတွေပါဘဲ။
ပြပွဲကအပြန် အ​တွေး-
​ရှေး​ခေတ် မြန်မာ့တပ်မ​တော်ဆိုတာ ​နန်းတွင်းအမှု​တော်ထမ်း ဘုရင့်တပ်မ​တော် ရှိသလို၊ လိုအပ်ပါက ထောင်ပြု၊ ရာပြု၊ ဆယ်ပြုမြို့​တွေက​နေ အ​ရေးကြုံရင် စစ်အင်အား စုဖွဲ့ပြီး တိုင်းရင်းသားပြည်သူ တစ်ရပ်လုံး လှည်း​နေ ​လှေ​အောင်း မြင်း​ဇောင်းမကျန် ပူး​ပေါင်းတိုက်ပွဲ ဝင်ကြတာပါ။ ​ရှေးမြန်မာ ဘုရင့်တပ်မ​တော် အမှုထမ်းစစ်သည်တစ်​ယောက် ဖြစ်လာဖို့ကလဲ မလွယ်ကူပါဘူး။ ​ခြေလျင် ၁၀ ပွဲ ​အောင်မှ မြင်းတပ်သား ဖြစ်ရပါတယ်။ မြင်း ၁၀ ပွဲ ​အောင်မှ ဆင်တပ်သား ဖြစ်ရပြီး ဆင် ၁၀ ပွဲ ​အောင်မှ ​လှေတပ်သား ဖြစ်နိုင်တာပါ။ ဒါ့အပြင် ဓါး​ရေး၊ လှံ​ရေး၊ မြင်း​​ရေး၊ တက်​ရေး အဖက်ဖက်က ကျွမ်းကျင်ရသလို ​သေနင်္ဂဗျူဟာ စစ်ပညာများကိုလဲ ကျွမ်းကျင်ရပါတယ်။ ​ရှေးမြန်မာ စစ်သည်​တော်​တွေဟာ လက်ရုံးရည်မှာ ထူးချွန်ကြသလို လက်ရုံးရည်​ရော နှလုံးရည်ပါ ထူးချွန်ကြတဲ့ သူ​တွေလဲ ​ပေါ်ထွန်းခဲ့ပါ​သေးတယ်။ ဒီပန်းချီကား​တွေကို ကြည့်ရှုပြီး အမျိုးဂုဏ်၊ ဇာတိဂုဏ်နဲ့ မျိုးချစ်စိတ်ဓါတ်​တွေ ပိုမိုရင့်သန်​စေခဲ့လို့ တန်ဖိုးရှိလှပါတယ်။

ဒီ​နေ့ ဒီပန်းချီပြပွဲကို အထူးကြည့်ရှု ခံစားခွင့် ရခဲ့လို့ ​ကျေးဇူးတင်ပါတယ်။ တာဝန်ရှိသူ​တွေနဲ့လဲ ပညာရပ်ဆိုင်ရာ အသိအမြင် ဗဟုသုတ​တွေ ဖလှယ်ခွင့်ရခဲ့လို့ ​ကျေးဇူးတင်ပါတယ်။ ​နောက်ထပ်လဲ ဒီလို research လုပ်ထားတဲ့ ပန်းချီကား​ကောင်း၊ လက်ရာမွန်​တွေ ထပ်မံ ထွက်​ပေါ်လာပါ​စေလို့ ဆု​တောင်း​ပေးပါတယ်။ တပ်မ​တော်ကြီးက လက်ရုံးရည်သာမက နှလုံးရည် ပြည့်ဝတဲ့ တပ်မ​တော်သား ပညာရှင်​တွေလဲ များစွာ ​ပေါ်ထွန်းလာပါ​စေလို့ ဆု​တောင်း​ပေးပါတယ်။
တပ်မ​တော်ကို ​ထာဝရ လေးစား ချစ်ခင်စွာဖြင့်
#တင်လတ်ယု
ပန်းချီကား​တွေကို ဓါတ်ပုံမရိုက်ခဲ့ပါဘူး၊ ဘာလို့လဲဆိုရင်  မီး​ရောင်​ကြောင့် ထိခိုက်မှာ စိုးလို့ပါ။ လက်ကမ်းစာ​စောင်ထဲက ပုံ​လေး​တွေပဲ ပြန်ရိုက်တင်​ပေးလိုက်ပါတယ်။