အစ္စရေးကိုခြိမ်းခြောက်လိုက်တဲ့ ဟစ်ဇဘိုလာအကြီးအကဲ

မီးကုန်ယမ်းကုန် စစ်ပွဲဖြစ်လာမည်ဆိုပါက အစ္စရေးနိုင်ငံထဲက မည်သည့်နေရာမဆို ဘေးကင်းမည်မဟုတ်ဟု ဟစ်ဇဘိုလာအကြီးအကဲက ခြိမ်းခြောက်လိုက်ပြီး အစ္စရေးကို ကူညီသည့် ဆိုက်ပရက်စ်ကိုလည်း ခြိမ်းခြောက်
ရန်သူများဖြစ်ကြသော အစ္စရေးနှင့်ဟစ်ဇဘိုလာတို့ မီးကုန်ယမ်းကုန်စစ်ပွဲဖြစ်ပွားမည်ဆိုပါက အစ္စရေးနိုင်ငံရှိ မည်သည့်နေရာမဆို လုံခြုံလိမ့်မည်မဟုတ်ဟု လက်ဘနွန်၏ ဟစ်ဇဘိုလာအဖွဲ့အကြီးအကဲက ဇွန် ၁၉ ရက်တွင် ပြောကြားလိုက်ပြီး ဥရောပသမဂ္ဂအဖွဲ့ဝင်နိုင်ငံဖြစ်သော ဆိုက်ပရက်စ်ကိုလည်း ပထမဆုံးအကြိမ် ခြိမ်းခြောက်လိုက်ကာ မြေထဲပင်လယ်ဒေသရှိ အခြားသောနေရာများကိုလည်း ခြိမ်းခြောက်ခဲ့သည်။

ဟစ်ဇဘိုလာသည် ဂါဇာစစ်ပွဲနှင့်အပြိုင် အစ္စရေးနှင့်အပြန်အလှန်ပစ်ခတ်မှုများ ဖြစ်ပွားနေသည်မှာ ရှစ်လ ကျော်ရှိပြီဖြစ်သည်။ အီရန်ကျောထောက်နောက်ခံပြု ဟစ်ဇဘိုလာအဖွဲ့က အစ္စရေးနယ်မြေထဲရှိ အရေးကြီး သော စစ်ရေးနေရာများကို ဒရုန်းဖြင့် ရိုက်ထားသော ပုံများအား ဇွန် ၁၈ ရက်တွင် ထုတ်ပြန်ခဲ့သည်။

Post a Comment

Previous Post Next Post