သူခိုးဓမြတွေပဲ ဖြစ်လာခဲ့တယ်


ယင်းမာပင်မှာ NUG လက်အောက်ခံ ပသုံးလုံးအဖွဲ့တွေ တမိုင်မှာ ဂိတ်သုံးခုဖွင့်ပြီး အခွန်တွေကောက်နေဟုဆို

စစ်ကိုင်းတိုင်း၊ ယင်းမာပင်မြို့နယ်မှာ NLD အမတ် ဒေါ်အေးစန္ဒာကျော်နဲ့ မြို့နယ်ပကဖ ဦးဇော်ထူးအောင် ဦးဆောင်ပြီး အခွန်တွေ မတရားကောက်နေတယ်လို့ ဒေသခံတွေက အထောက်အထားတွေနဲ့တကွ ပေးပို့လာပါတယ်။

ပသုံးလုံးတွေ တိုက်ဆောက်၊ ကားစီး၊ ပေါင်ထားတဲ့ မြေတွေရွေးပြီး ချမ်းသာနေကြပေမယ့် ပြည်သူတွေကတော့ ပြာကျနေပြီလို့ ဒေသခံတွေက ပြောပါတယ်။

ယင်းမာပင်မြို့နယ် ပအဖရဲ့ ၂၀၂၃ ခုနှစ် ဒီဇင်ဘာလ ၃၀ ရက်နေ့ အစည်းအဝေ ဆုံးဖြတ်ချက်အရ ဂိတ်တွေသတ်မှတ်ပြီး အခွန်ကောက်ခံခွင့် ပေးလိုက်တယ်လို့ သိရပါတယ်။

ကျော်မှော် ၊ ထရော်ကျင်း၊ ထဲပင်ကန်၊ ကျောက်ပြုတ်လမ်းခွဲ၊ တိုက်နယ် (၂)၊ လည်ငေါက်၊ ဆင်နွယ်နဲ့ တိုက်နယ် (၆) သယံဇာတ အခွန်တော်ဂိတ် (၈) ဂိတ်ဖွင့်ပြီး ကောက်နေတယ်လို့ သိရပါတယ်။

တကယ်တမ်းမှာတော့ ၁ မိုင်ကို ဂိတ် ၃ ခုဖွင့်ပြီး အခွန်တွေ ကောက်နေတယ်လို့ သိရပါတယ်။

သတ်မှတ်ထားတဲ့အခွန်နှုန်းတွေကတော့ ဝါး၊ ထင်းကား၊ ကားလေး ထော်လာဂျီတစ်စီး ကျပ် ၂ သောင်း၊ ၆ ဘီးကားတစ်စီး ၃ သောင်းကျပ်၊ ၁၀ ဘီးနဲ့ အထက်ကားတစ်စီး ၄ သောင်းကျပ်၊ မီးသွေးအိတ် (၁) အိပ် ၁၀၀ ကျပ်၊ အိမ်တိုင်တဲတိုင်မျောတစ်လုံး ၅၀၀ ကျပ်၊ ကွမ်းခြံတိုင်မျော ကားလေး၊ ထော်လာဂျီ ၃ သောင်းကျပ်၊ ၆ ဘီးကားတစ်စီး ၄ သောင်းကျပ်၊ ၁၀ ဘီးနဲ့ အထက်ကားတစ်စီး ၅ သောင်းကျပ်ဆိုပြီး ကောက်ယူဖို့ သတ်မှတ်ထားပါတယ်။

ကုန်တင်ကား၊ ခွေးဘီလူးကား၊ လိုက်ထရပ်၊ မှန်လုံကားငယ်တွေကို  ၅ သောင်းကျပ်၊ မှန်လုံကားကြီး၊ ၆ ဘီး၊ ဘော်ဒီအတိုနဲ့ ကြက်ပေါက်သယ်ကား ၁ သောင်းကျပ်၊ ကုန်တင် ၆ ဘီးကား ဘော်ဒီအရှည် ၂ သောင်းကျပ်၊ ဆီဘောက်ဆာကားတွေကို ၁ သိန်းကျပ်ကနေ ၂ သိန်း ၈ သောင်းကျပ်အထိ ကောက်ယူနေတယ်လို့ သိရပါတယ်။

အိမ်မှာမွေးထားတဲ့နွားတွေ တရွာနဲ့ တရွာသယ်ရင် နွားတစ်ကောင် ၁၅၀၀၀ ကျပ်၊ အိမ်မွေးဝက် တစ်ကောင် ၃၀၀၀ ကျပ်နဲ့  ခရီးသည်ကား ၁၅၀၀၀ ကျပ်အထိ ကောက်ယူနေလို့ ဒေသခံတွေ အလွန်စိတ်ပျက်ဒုက္ခရောက်ရတယ်လို့ ပြောပါတယ်။

အဲ့ဒီထက် ပိုဆိုးတာက ယင်းမာပင်အနောက်ခြမ်းက သစ်တွေကို ပသုံးလုံး လက်မှတ်တွေနဲ့ ရွာတွေကို ဖြတ်သန်းသယ်ယူ ခိုးထုတ်နေတယ်လို့ သိရပါတယ်။ ခိုးထုတ်သစ်တွေက ဒေသခံတွေခေါ်တဲ့ လေးထောင့်သစ်တွေ ဖြစ်တယ်လို့ သိရပါတယ်။

မြမြစန်း လမ်းသုံးဆယ်ဂိတ်လို့ ဒေသခံတွေခေါ်တဲ့ အခွန်ဂိတ်ဆိုရင် ယင်းမာပင် ၂၁ ယောက် လူသတ်မှုမှာ တာဝန်ရှိတဲ့ သပြေအေးဘုန်းကြီးရဲ့ တပြည့်ဖြစ်တဲ့အတွက် အားလုံးက ကြောက်နေရပြီး အခွန်မဆောင်ရင် လှည့်ပြန်ရတယ်လို့ ဆိုပါတယ်။

NUG အစိုးရအနေနဲ့ မြေပြင်ဆင်းပြီး မတရား အခွန်အကောက်နေတဲ့ ပသုံးလုံးအဖွဲ့တွေကို အရေးယူပြီး ဒုက္ခရောက်နေတဲ့ ပြည်သူတွေကို ကူညီပေးစေလိုတယ်လို့ ပြောပါတယ်။

ပသုံးလုံးအဖွဲ့တွေနဲ့ ပူးပေါင်းပြီး သစ်တွေ ခိုးထုတ်နေတာတွေကိုလည်း စိစစ်အရေးယူပေးစေလိုတယ်လို့ ပြောပါတယ်။

ဓာတ်ပုံ။
ခိုးထုတ်သစ်များနဲ့ အခွန်ကောက်ခံခြင်းဆိုင်ရာ ကြေညာချက်

#KS

Post a Comment

Previous Post Next Post