ပုဂံ မှာ ဗုဒ္ဓပုံတော်ကို မျက်နှာဖုံးလုပ် ရောင်းတယ်ဆိုတာ သိပ်တော့ မဆန်းပါဘူး ။
ကျွန်တော်တို့ ၅ နှစ် ကာလမှာ ယဉ်ကျေးမှု ပျက်စီးခဲ့ရပါတယ် ။
ကျွန်တော် ရေးခဲ့ဖူးတဲ့
ပိုစ့်အဟောင်းလေးကို ပြန်ဖတ် ကြည့်ကြပါ။
ပထမဆုံး အတိုက် အခိုက် ခံလိုက်ရတာက "ယဉ်ကျေးမှု" ပါပဲ ။
ဘုရား၊ တရား၊ သံဃာကို သာမန်မျှ ဖြစ်အောင်
ဦးနှောက်ပုံစံ ချခဲ့ကြတယ် ။
ဥပမာတစ်ခု ပြောပါမယ် ။
မြန်မာ ကလေးငယ်လေးတွေဟာ စောစော စာမေးပွဲ ဖြေကြပြီး အကြီးတန်းတွေ စာမေးပွဲ စစ်နေချိန်မှာ ဗုဒ္ဓဓမ္မ ယဉ်ကျေးလိမ္မာ သင်တန်းတွေမှာ ယဉ်ကျေးလိမ္မာ သင်ခန်းစာတွေ သင်ခဲ့ကြရတယ် ။
အဲဒီ အစဉ်အလာကို ဖျက်ဖို့ ကလေးတွေ စာမေးပွဲ နောက်ဆုတ်ပြီး အကြီးတန်းတွေ ဖြေပြီးမှ စစ်ဖို့ အမိန့်ထုတ်တယ် ။
အကြောင်းပြချက်က မိဘတွေ စီးပွား ရှာနိုင်အောင်လို့တဲ့ ။
ဒါဟာ ယဉ်ကျေးမှုကို စနစ်တကျ သင်းသတ်ခဲ့တဲ့ အခြေခံ အကျဆုံး နည်းဗျူဟာ(လုပ်ရပ်) တစ်ခုလို့ ကျွန်တော် ပြောခဲ့ဖူးတယ် ။
ဗုဒ္ဓကိုတောင်
"အိန္ဒိယတိုက်က သာမန်မင်းသား တစ်ပါးမို့
အထူး ကိုးကွယ်နေစရာ မလိုပါဘူး" ဆိုတဲ့
ဒဿနကို ရသွားကြတဲ့ လူငယ်တွေ ၊
"ပဌာန်းတရားကို စပီကာတွေနဲ့ နေ့ ည ရွတ်တာ
အခြားဘာသာဝင်တွေ အားနာစရာကောင်းတယ်" ဆိုတဲ့
ဒဿနကို ရသွားတဲ့ လူငယ်တွေ ၊
"ဘုန်းကြီးတွေဟာ
အလုပ်မလုပ်ချင်လို့ သင်္ကန်းစည်းကြတာ။
ဘုန်းကြီးနဲ့လူဟာ
ကတုံးနဲ့ ဆံပင်ပဲကွာတယ်" ဆိုတဲ့
ဒဿနကို ရိုက်သွင်းခံရတဲ့ လူငယ်တွေ ၊
" သွေးနှောမှ တိုးတက်မယ်" ဆိုတဲ့
ဒဿနသစ်ကို လက်ခံရတဲ့ လူငယ်တွေ ၊
မြန်မာပြည်သူတွေဟာ
ယဉ်ကျေးမှုစစ်ပွဲ
အကန့်အသတ်နဲ့ ရှုံးခဲ့ရပြီ ။
ဒါဟာ သိသာဖို့ မလွယ်ပေမယ့်
လက်နက်နဲ့ တိုက်တဲ့ စစ်ပွဲထက် အန္တရာယ်ကြီးတယ် ။
နယ်ချဲ့ဟာ သေနတ်တစ်ချက်မှ မဖောက်ရပဲ
နိုင်ငံကို သိမ်းနိုင်တဲ့
မြန်မာတွေရဲ့စိတ်ကျိုးနွံမှုကို ရသွားခဲ့ပြီ ။
မြန်မာလူငယ် အချို့ဟာ
နယ်ချဲ့ နှာခေါင်းရှည်တွေ
ဘယ်လိုပဲ မောင်းမောင်း
မောင်းသမျှ လုပ်မယ့်
ယဉ်ကျေးမှု ဘိန်းစွဲသူတွေ ဖြစ်ခဲ့ကြရပြီ ။
နောက် ငါးနှစ်သာ ဆက်ပြီး
တိုင်းပြည်ကို ဒီဇိုင်းဆင်ခွင့် ရသွားရင်
မြန်မာဆိုတာ ဘယ်မှာလဲ မေးယူရလိမ့်မယ် ။
အခု မြင်တွေ့နေရတာတွေက သက်သေပဲ ။
ဒါကြောင့်
၅ နှစ်ဆက်ပြီး အခွင့်အရေး မပေးရအောင်
ဒီတိုက်ပွဲကို ပြင်းပြင်းထန်ထန် တိုက်ခဲ့တာပဲ ။
☝️☝️☝️☝️☝️☝️☝️☝️☝️☝️
မောင်ချိုဝေ ( ၂၄၊ ၇၊ ၂၀၂၁ )
Post a Comment