ရန်ကုန်တိုင်းဒေသကြီးအစိုးရအဖွဲ့ရုံးမှာပြုလုပ်တဲ့မဲပေးစက် မိတ်ဆက်ပွဲမှာBBC သတင်းထောက်က "စစ်ကောင်စီ၊စစ်ကောင်စီ၊စစ်ကောင်စီ"လို့အကြိမ်ကြိမ်သုံးနှုံးပြောဆိုခဲ့ပေမယ့် တာဝန်ရှိသူတွေက ဘာမှ မတားမြစ်ခဲ့ကြောင်း People Mediaက စက်တင်ဘာ(၈)ရက်နေ့ကပြောဆိုသွားတာ တွေ့ရပါတယ်။
မြန်မာ့ဆိုရှယ်လစ်လမ်းစဥ်ပါတီကို လမ်းစဥ်ပါတီလို့ တရားဝင်ခေါ်ပေမယ့်ဆန့်ကျင်ဘက်အဖွဲ့တွေက" မဆလ " လို့ တရားမဝင်ခေါ်ကြရင်းကာလကြာလာတော့ အခု" မဆလ " တရားဝင် စကားလုံးလို လက်ခံနေကြပြီဖြစ်ပါတယ်။
နိုင်ငံတော်ငြိမ်ဝပ်ပိပြားရေးအဖွဲ့နဲ့နိုင်ငံတော်အေးချမ်းသာယာရေးအဖွဲ့ကို "နဝတ/နယက "လို့ တရားဝင်သုံးစွဲပေမယ့် ဆန့်ကျင်ဖက်မီဒီယာတွေက"နအဖ"လို့ ခေါ်လာတာ အခုဆို "နအဖ"ဆိုတဲ့စကားလုံးက တရားဝင်လို သုံးစွဲနေကြပြီ ဖြစ်ပြီးတရားဝင်ပုံနှိပ်မီဒီယာအချို့မှာပင် သုံးစွဲလာကြပြီဖြစ်ပါတယ်။(နိုင်ငံတော်အကြံပေးအဖွဲ့ထဲပါဝင်ခဲ့ဖူးသူတစ်ဦးပင်လျှင် "နအဖ"လို့သုံးတာ တွေ့ခဲ့ရဖူးပါတယ်)
အခုလည်း တိုင်းဒေသကြီးအစိုးရအဖွဲ့ရုံးထဲမှာ "စစ်ကောင်စီ"လို့ သုံးစွဲတာကို ခွင့်ပြုရင်" နစက"နေရာမှာ"စစ်ကောင်စီ"ကိုတရားဝင်စကားလုံးလို သုံးစွဲလာကြတော့မှာ ဖြစ်ပါတယ်။
အခေါ်အဝေါ်စကားလုံးလွဲတာ ဘာအရေးကြီးလို့လဲဆိုရင်အရေးကြီးပါတယ်။"ဘားမား"ကို"မြန်မာ" လို့ ခေါ်ပါလို့ အချုပ်အခြာအာဏာပိုင်နိုင်ငံတစ်ခုက သတ်မှတ်ရင် ကုလသမဂ္ဂအပါအဝင် နိုင်ငံအားလုံးက" မြန်မာ"လို့သာ တရားဝင်သုံးစွဲရပါတယ်။
"ဘားမား"ပဲသုံးမယ်ကွာဆိုရင် တရားဝင်မဟုတ်တဲ့ လမ်းဘေးစကားအနေနဲ့ သုံးခွင့်ရှိပေမယ့် တရားဝင်သံခင်း တမန်ခင်းဆက်ဆံရေးတွေမှာ "မြန်မာ"လို့သာ သုံးကြရပါတယ်။
အချုပ်အခြာအာဏာပိုင်နိုင်ငံတစ်ခုအဖြစ်၊အာဏာပိုင်အစိုးရတစ်ရပ်အဖြစ် အသိ အမှတ်ပြုလေးစားကြောင်းပြသရတာ ဖြစ်လို့ နစက ကို စစ်ကောင်စီလို့ခေါ်တယ်ဆိုတာတရားမဝင်ပြင်ပမှာ ပြောချင်သလိုပြောလို့ရပေမယ့်တရားဝင် နေရာတွေမှာ သုံးစွဲခြင်းဟာ အစိုးရကိုအသိအမှတ်မပြုဘူး၊မလေးစားဘူး လို့ ဖော်ပြနေတာဖြစ်လို့ ပြင်းပြင်း ထန်ထန်ကန့်ကွက်သတိပေးရမယ့်ကိစ္စဖြစ်ပါတယ်။
#ThaungLwinHein
Post a Comment