တခြားနေ့တွေထက် ပြင်းထန်ပြီး တစ်လကျော်အတွင်း အပြင်းထန်ဆုံးပွဲသိမ်းတိုက်ရန် ရန်သူ့စီမံချက်၊ တကယ့်ကို လေးစားစရာ ဂုဏ်ယူစရာကောင်းတဲ့ သူရဲကောင်းတွေကို မနေ့က မျက်ဝါးထင်ထင် တွေ့ရှိကြားသိလိုက်ရပါတယ်။
-
ထောင်အုတ်တံတိုင်းအားလုံးကို RPG ၁၅ လက် တစ်ပြိုင်နက်ပစ်၊ ပြိုကျသွားတာနဲ့ လုံးခနဲ ဝင်လာတဲ့ ရန်သူ့အင်အား ၆၀၀ ကျော်၊ Hand speaker နဲ့ အော်နေတဲ့ လက်နက်ချဖို့ အသံဝင်အောင်အော်နေတဲ့ ကယားသူပုန်များ။
-
မ ၄ က စစ်သည်အားလုံး၊ တပ်ရင်းမှူး ဆိတ်ကြီး ဆုံးဖြတ်ချက်ချလိုက်ပြီး သူthayကိုယ်thay တိုက်ဖို့ ကျန်ရှိစစ်သည်အားလုံးကို ရင်ဘတ်ထဲ လက်ပစ်ဗုံး ၂ လုံးဆီထည့်၊ အthayခံချဖို့ အမိန့်ပေးကာ သူကိုယ်တိုင်လဲ နောက်ဆုံးအချိန် ရန်သူပါသေလမ်းခေါ်ဖို့ ဖြူးစ်တပ်ပြီးသား လက်ပစ်ဗုံး ၂ လုံး ကို ကျည်ကာအောက်ထဲ ထိုးထဲ့ လိုက်တော့တယ်။
-
ထောင်ဗူးဝကျော် ပေ ၁၅၀ လောက်ထိ အတွင်းထဲဝင်လာတဲ့ သူပုန်များ၊ မ ၄ စစ်သည်များရဲ့ မဆုတ်မနစ် နေရာမရွေ့ဘဲ ခံပစ်တဲ့ကျည်အားဒဏ်ကြောင့် တန့်ပြီး ထောင်ဗူးအပြင် ပေ ၂၀ ထိ ပြန် ဆုတ်သွား ကြတယ်။
-
ခံတိုက်တဲ့ စစ်သည်တွေက နေရမှာတင် ကျည်ဒဏ်ဗလပွနဲ့ အံ့ကြိတ်ကာ အသက်မဲ့ ခန္ဓာသာ.......တကယ့် သူရဲကောင်းညီလေးတွေ။
-
အဲဒိအချိန် ထောင်ဗူးဝအပေါ် ဗဟိုကင်းလက်နက်တိုက်ကို ရာမဆိတ်ကြီး အကျဉ်းသားတွေထဲက သူ့ တပတ်စဉ်တည်းသူငယ်ချင်း ၂ ယောက်၊ ညီ တစ်ယောက် နဲ့ သူ့စစ်သည် ၁ ဦးကို သူငယ်ချင်းတို့ ငါ အမိန့် ပေးတယ်၊ မင်းတို့ ထောင်ဗဟိုကင်း ကနေ ဒီကောင်တွေ ဗူးဝ ထပ်မကျော်လာအောင် ပစ်ပေး။
-
အမိန့်ရပြီး ချက်ချင်းပဲ ၄၆ က လင်းလင်းနဲ့ ရဲထွန်းနောင် ၄၈ က အကျဉ်းသားတို့ဟာ အလောင်းတွေက ကျည်ကာ/ဦးထုတ်တွေ ချွတ်ယူပြီး ပစ်နေတဲ့ကြားက ဗဟိုကင်းဆီပြေးတက် ကြပါတော့တယ်။ ဗဟိုကင်းမှာတော့ ကျနေတဲ့စစ်သည်တွေရဲ့ လက်နက်တွေ၊ ကျည်ဆံမျိုးစုံ၊ လက်နက်ငယ်မျိုးစုံနဲ့ ပစ်ပေါက်ကနေ ဗူးရှေ့ ၁၀ ပေက ထောင်ကိုပြန်တိုက်ဖို့ ကပ်လာတဲ့ရန်သူကို ဆက်တိုက် အားရပါးရပစ်ကြပါတော့တယ်။ လနငမျိုးစုံနဲ့ ပစ်နေတဲ့အတွက် ၄ ဦးပဲရှိတာကို သူပုန်က အင်အား အများကြီးရှိတယ်ထင်ပြီး နောက် ၁၀ ပေခန့် ထပ်ဆုတ်ကာ RPG အလက်များစွာနဲ့ ထောင်ဗဟိုကင်းကို ပစ်ပါတော့တယ်။ တစ်လုံးက အကျဉ်းသား ဗိုလ်မှူးဟောင်း ရဲထွန်းနောင်၊ လင်းလင်းနဲ့ မ ၄ က စစ်သည်ကြား ကျရောက်ပေါက်ကွဲပြီး စစ်သည်ကျဆုံးခဲ့ပါတယ်။ အကျဉ်းသား အရာရှိဟောင်းတွေလည်း ဒဏ်ရာကိုယ်စီ၊ ဒါပေသိ လုံးဝမဆုတ်ဘဲ ဆက်တိုက်ပစ်လိုက် သူပုန်က ပြန်လုံးလိုက်နဲ့ပေါ့။
-
တပ်ရင်းမှူး ဆိတ်ကြီး ဟာ RPG ဒဏ်၊ ဒရော့ဗုံး ဘေးကျတဲ့အရှိန် ခုန်ဆင်းပြေးတက်နဲ့ ဒဏ်ရာတချို့ ရထားပေမယ့် လုံးဝဆုတ်ဖို့ စဉ်းစားထားသူမဟုတ်ပါ။ ရှိတဲ့လက်ကျန်စစ်သည်နဲ့ ခုခံရင်း နောက်ဆုံးအချိန်အတွက် ပြင်ဆင်ရင်း သူနဲ့သူ့အိုင်အို နေရာယူ၊ ပစ်ခတ်နေတဲ့နေရာမှာ အသေခံဖို့ ဆုံးဖြတ်လိုက်ပါတော့တယ်။ သူတစ်လကျော် ခံတိုက်နေတာ အချည်းအနှီး အဖြစ်မခံတော့ပါ။ ရန်သူကိုပါ သေလမ်း တစ်ပါးတည်းခေါ်ဖို့ ဆုံးဖြတ်လိုက်တော့သည်။
-
ကယားသူပုန်တွေရဲ့ ထောင်ကိုမရသေးလို့ အပြစ်တင်သံ၊ အချင်းချင်းပြန်ဆဲသံတွေ စက်ထဲက ကြားနေရပါတယ်။ မင်းကိုယ်တိုင်လာလုပ်ပါ့လား ၆၀၀ မှာ ၂၀၀ ကျော် ကျသွားပြီ၊ အထဲကကောင်တွေ လက်နက်မချဘူး၊ ခံပစ်နေတယ်၊ မယုံရင် မင်းလာကြည့် ဆိုတဲ့ သူတို့ ခေါင်းဆောင်ကို ပြန်ဆဲသံတွေ။
-
၁၆၀၀ မှာ ပစ်အား အင်အားအလုံးအရင်းနဲ့ ဒုအကြိမ် ပြန်လုံးပါပြီ။ ထောင်လေးဘက်လေးတန် ရာမ ဆိတ်ကြီးကလဲ စစ်သည်တွေ ပစ်ခတ်နေတဲ့နေရာထိ ကျားသစ်ချောင်းဖြင့် သွားအားပေးပြီး ညွှန်ကြား၊ သူ့သွားနေတဲ့ဘေးမှာလဲ သူပုန်ရဲ့ စနိုက်ပါကျည် ထောက်တာတွေ၊ တရုတ်မ စက်လက်ရဲ့ကျည်ထောက် ပြန်တွေ တရွှီ ရွှီ နဲ့။
-
နောင်ဆုံး ကျတော့ သူတို့လဲ အသေခံ ရတော့မယ်လို့ ဖြစ်သွားတဲ့အချိန် ၁၆၃၀ မှာ မ ၁၀၈ နဲ့ မ ၁၀ တပ်ရင်း၂ရင်းရဲ့ ညာသံပေး ကျားထိုးသံနဲ့ အတူ တပ်မတော်ကွ၊ တပ် ၆၆ ကွလို့ အော်ပြီး ပစ်ရင်း ပြေးတက်လာတဲ့ အသံတွေ ...... စစ်ကူတွေ စစ်ကူတပ်တွေ အချိန်မှီလေး မှီတယ်ဆိုရုံလေး .. လက်မတင်လေး။
-
ဟေးခနဲ အော်ကာ အားတက်သွားတဲ့ မ ၄ က သူရဲကောင်းတွေ နေရာယူထားတဲ့နေရာကနေ ထပြီး ရင်ဘောင်တန်း ထွက်ပစ်တော့တာပဲ။ ဘယ်လောက်တောင် အားရှိသွားလဲ။
-
သွေးပျက် ဆုတ်ခွာ ကိုယ့်အလောင်းကိုယ် ပြန်ဆွဲကာ ဆုတ်ခွာပြေးသွားကြတဲ့ ကယားသူပုန်တွေ.....
-
အမိမြေအတွက်၊ တပ်မတော်အတွက်၊ Never Surrender စိတ်ဓာတ်အတွက် .. လက်တင်အလေးပြု လိုက်ပါတယ်။
-
တကယ့် သမိုင်းဝင်မယ့် တိုက်ပွဲ၊ ကျဆုံးလို့ ထောင်တွင်းမှာ မြေမြှပ်ခဲ့ရတဲ့ စစ်သည် အလောင်းတွေတော့ သူရဲကောင်းဗိမ္မာန်ကို ပြန်ရောက်စေချင်ပါတယ်။
ရေးသားတင်ပြသူ တပ်သစ္စာခံ မောင်ဖုန်း
Post a Comment