နှစ်နိုင်ငံ တရားဥပဒေစိုးမိုးရေးနဲ့ လုံခြုံရေး ပူးပေါင်းဆောင်ရွက်ရေးကို နက်ရှိုင်းသွားစေလိုပြီး မြန်မာ-တရုတ်နယ်စပ်ဒေသ တည်ငြိမ်အေးချမ်းရေးကို အစွမ်းကုန်ကာကွယ်စောင့်ရှောက်သွားလိုကြောင်း ပြည်ထဲရေးဝန်ကြီးလည်းဖြစ် အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုညှိနှိုင်းရေး ကော်မတီ (NSPNC)ဥက္ကဋ္ဌ လည်းဖြစ်တဲ့ ဒုတိယဗိုလ်ချုပ်ကြီးရာပြည့်က ပြောကြားခဲ့တယ်လို့ မြန်မာနိုင်ငံဆိုင်ရာ တရုတ်သံရုံးရဲ့ ထုတ်ပြန်မှုအရ သိရပါတယ်။
ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးရာပြည့်ဟာ ဇန်နဝါရီလ ၅ ရက်နေ့က တရုတ်နိုင်ငံတော်ကောင်စီဝင်၊ ပြည်သူ့လုံခြုံရေးဝန်ကြီးဌာနဝန်ကြီး Mr. Wang Xiaohong နဲ့ အွန်လိုင်းစနစ်ကနေ တွေ့ဆုံခဲ့ရာမှာ ထည့်သွင်းပြောကြားခဲ့တာလို့ ဆိုပါတယ်။
အလားတူ Mr. Wang Xiaohong ကလည်း တရုတ်နိုင်ငံဟာ အမြဲတစေ မဟာဗျူဟာမြောက်အမြင်နဲ့ တရုတ်-မြန်မာဆက်ဆံရေးကို ရှုမြင်ဖော်ဆောင်နေကြောင်း၊ မြန်မာနိုင်ငံနဲ့အတူ နှစ်နိုင်ငံခေါင်းဆောင်တွေရဲ့ အရေးပါတဲ့သဘောတူညီချက်တွေကို အတူတကွအကောင်အထည်ဖော်ဆောင်ကာ တရားဥပဒေစိုးမိုးရေးနဲ့ လုံခြုံရေး ပူးပေါင်းဆောင်ရွက်မှုကို ဘက်စုံနက်နက်ရှိုင်းရှိုင်းဖော်ဆောင်သွားလိုကြောင်း ပြောကြားခဲ့တယ်ဆိုပြီး သံရုံးရဲ့ထုတ်ပြန်ချက်မှာ ဖော်ပြထားပါတယ်။
ဒါ့အပြင် တရုတ်ဝန်ထမ်းတွေနဲ့ စီမံကိန်းတွေ ဘေးကင်းလုံခြုံမှုကို အာမခံပြီး တရုတ်-မြန်မာ အေးအတူပူအမျှ အသိုက်အဝန်းတည်ဆောက်မှုကို စဉ်ဆက်မပြတ်ဖော်ဆောင်သွားလိုကြောင်းလည်း Mr. Wang Xiaohong က ပြောကြားခဲ့သေးတယ်လို့ သိရပါတယ်။
#𝙢𝙝𝙩𝙣𝙚𝙬𝙨
Post a Comment