Importer တွေ တရားဝင်တင်သွင်းတဲ့ စက်သုံးဆီကို ပြည်သူတွေသုံးစွဲဖို တစ်ခြားမြိုတွေဆီ သယ်ယူ ပိုဆောင်တာကို မလိုလားအပ်တဲ့ မျှောစနစ်လုပ်လိုက်တော့ ဂိတ်ကြေးတွေ ဈေးတက်၊ မျှောမပါရင် ရဲဖမ်း ငွေတောင်း၊ တရားဝင်စက်သုံးဆီကို တရားမဝင်သယ်ဆောင်သူအဖြစ် တရားခံအလိုလိုဖြစ်ပြီး စက်သုံးဆီ လုပ်ငန်းရှင်တွေ ဒုက္ခရောက်နေကြပါတယ်။
ပြည်သူတွေ ကုန်ဈေးနှုန်းကြီးမြင့်မှုဒဏ် အလူးအလဲ ခံစားနေရတာ၊ ကုန်ပစ္စည်းတွေ သယ်ယူပိုဆောင်ရေး မချောမွေ့မှုနဲ့ စက်သုံးဆီဈေးနှုန်း မတန်တဆမြင့်တက်နေရခြင်းဟာ အဓိကအချက်ဆိုတာ တာဝန်ရှိသူတွေ သိသင့်ပါတယ်။
စက်သုံးဆီ မူဝါဒအလွဲအမှားကြောင့် စက်သုံးဆီတစ်လီတာ ဈေးနှုန်းဟာ ပင်လယ်ဝရောက်ချိန်မှာ နိုင်ငံတကာ ပေါက်ဈေးအတိုင်းဖြစ်ပေမယ့် သုံးစွဲသူပြည်သူတွေလက်ထဲရောက်ရှိချိန်မှာ စက်သုံးဆီ တစ်လီတာဈေးနှုန်းဟာ နိုင်ငံတကာပေါက်ဈေးထက် ၇ ဆ မှ ၁၀ ဆအထိ မြင့်တက်နေရခြင်းဟာ မျှောကုန်ကျစရိတ်၊ လမ်းခရီးဂိတ်ကြေးနဲ့ မြိုရွာအသီးသီးက နယ်ထိန်းရဲတွေကို ဆတ်ကြေးပေးရခြင်း ကြောင့် ဖြစ်ပါတယ်။
ဌာနဆိုင်ရာ အောက်ခြေအဆင့်ဆင့်ရဲ့ ပြည်သူတွေအပေါ် ဝန်ဆောင်မှုညံ့ဖျင်းပြီး ကောင်းရောင်း ကောင်းဝယ် လုပ်စားသူတွေဆီက ငွေကြေးမတန်တဆတောင်းခံနေခြင်းတွေကြောင့် ပြည်သူများက အစိုးရအပေါ် နာကြည်းမုန်းတီးနေကြပါတယ်……
ခင်ညိုချော
Post a Comment