PDF အကြမ်းဖက်သမားများ ဖမ်းဆီးခေါ်ဆောင်သွားသည့် စစ်ကိုင်းတိုင်းဒေသကြီး၊ ကလေး မြို၊ကလေးတက္ကသိုလ်အတွင်းမှ ဆရာ၊ဆရာမများနှင့် ကျောင်းသား၊ ကျောင်းသူ၂၈၅ ဦးတို့ကို တပ်မတော်မှပြန်လည်ကယ်တင်ခဲ့ပြီးနောက်ယနေ့ ဖေဖော်ဝါရီ ၂၇ ရက်တွင်၎င်းတို့၏မိဘအုပ်ထိန်းသူများထံသို့ ပြန်လည်အပ်နှံပေးခဲ့သည်ဟုသိရသည်။
မိဘအုပ်ထိန်းသူများထံ ပြန်လည်အပ်နှံခြင်းအခမ်းအနားကို ကလေးမြို့ရှိ နယ်မြေခံတပ်ရင်းဌာနချုပ် ခန်းမ၌ ပြုလုပ်ခဲ့ခြင်းဖြစ်ပြီး အနောက်မြောက်တိုင်းစစ်ဌာနချုပ်မှ တာဝန်ရှိသူများနှင့် ဌာနဆိုင်ရာ တာဝန်ရှိသူများက တွေ့ဆုံအားပေးစကားပြောကြားခဲ့သလိုနေ့လည်စာဖြင့်ကျွေးမွေးဧည့်ခံခဲ့သည်။
အဆိုပါကလေးတက္ကသိုလ်အတွင်းမှ ဆရာ၊ဆရာမများနှင့် ကျောင်းသား၊ကျောင်းသူများကို PDF အမည်ခံအကြမ်းဖက်သမား အင်အား(၁၃၀)ဦးခန့်တို့က ဖေဖော်ဝါရီ ၂၆ ရက်၊ နံနက် ၇ နာရီခွဲအချိန်ခန့်တွင်ဖမ်းဆီးခေါ်ဆောင်သွားခဲ့ခြင်းဖြစ်သည်။
ထိုသို့ဖမ်းဆီးခံရသူများကို တပ်မတော်ကအချိန်မီကယ်တင်နိုင်ခဲ့ပြီးယခုလိုမိဘအုပ်ထိန်းသူများထံ ပြန်လည်အပ်နှံခဲ့ခြင်းဖြစ်သော်လည်း အကြမ်းဖက်သမားများလက်အတွင်း၌ဆရာ၊ ဆရာမနှင့် ကျောင်းသား၊ကျောင်းသူ ၁၀၀ ကျော်ကျန်ရှိနေသေးသည်ဟု သိရသည်။
https://t.me/mmcnews007
Post a Comment