ပြည်သူ့စစ်မဟာဗျူဟာ ဆိုတာ နိုင်ငံတော်
ကာကွယ်ရေးမူဝါဒ ပါ ၊ အခုမှ ပြဌာန်းလာ
တာတော့ မဟုတ်ပါဘူး။နဝတ နအဖ ခေတ်
ထဲက ပြဌာန်းခဲ့တယ်။ပြည်သူ့စစ်မဟာဗျူဟာ
ကို နားလည်လွယ်အောင် ပြောရရင် နိုင်ငံတော်
ကို ပြည်တွင်း / ပြည်ပ အန္တရာယ်တွေကျရောက်
လာပါက တပ်မတော် ရဲ့ ဦးဆောင်မှုအောက်
မှာ တပ်မတော်နဲ့ ပြည်သူ လက်တွဲပြီး ပြည်တွင်း
ပြည်ပ ရန်တွေ ကာကွယ်ကြဖို့ ရည်ရွယ်ပြဌာန်း
ခဲ့တာ ဖြစ်တယ်။
တနည်းပြောရရင်တော့ တိုင်းပြည်အရေးပေါ်
အခြေအနေ ဖြစ်လာတဲ့အခါ တပ်မတော် ရဲ့
အားတစ်ခုတည်းနဲ့ နိုင်ငံ့ ရန်ကာကွယ်ဖို့ မပြည့်
စုံ ၊ မလုံလောက် တော့လို့ ဒေသခံ
ပြည်သူလူထု ဟာ ကိုယ့်ရပ်
ကိုယ့် ရွာ ကိုယ့်ဒေသ ကို ပြည်သူ့စစ်တွေ ဖွဲ့စည်း
ပြီး ကာကွယ်ဖို့ ပြင်ဆင်ထားရမယ်။ဒီလို
တိုင်းပြည်ရဲ့ အတွင်းပိုင်းဒေသ တွေ က ပြည်သူ
လူသူ လူထုတွေ ဟာ ပြည်သူ့စစ်တွေ ဖွဲ့ပြီး
ကိုယ့်ရပ် ကိုယ့် ဒေသတွေ ကို ကာကွယ်နိုင်
မှသာ တပ်မတော် က လည်းအရေးကြီးတဲ့
ရှေ့တန်းကျကျနေရာတွေ က ပြည်တွင်း
ပြည်ပ ရန်တွေ ကို စိတ်ချ လက်ချ နဲ့ တိုက်ခိုက်
နှိမ်နင်း နိုင်မှာပဲ ဖြစ်ပါတယ်။
ဒါကို ရည်ရွယ်ပြီး ပြည်သူ့စစ်တွေ ဖွဲ့စည်းနေ
တာဖြစ်တယ်။လက်ရှိ တိုင်းပြည်အခြေအနေ က
သာမာအခြေအနေ မဟုတ်ဘူး။အရေးပေါ်
အခြေအနေ ၊ အရေးပေါ် အချိန် မို့ ကိုယ့်ရပ်
ကိုယ့်ရွာ ကို စစ်ကိုင်းတိုင်းထဲက မြို့ရွာ
အချို့ လို /ကယားပြည်နယ်
ထဲက မြို ရွာတွေ လို Failed State မဖြစ်
အောင် ဒေသခံ တွေကို စစ်ပညာသင်ကြားပေး
ပြီး ပြည်သူ့စစ် ဖွဲ့ပေးနေတာ ဖြစ်တယ်။
အလကားသက်သက် လုပ်တာ မဟုတ်ပါဘူး။
ဒါကို မနာလိုမရှုစိတ် သူတွေ က ဖွဲ့စည်းတော့
မယ့် ပြည်သူ့စစ်တွေဟာ ရှမ်းမြောက်မှာပဲ
သွားတိုက်ရတော့ မလိုလို ၊ တပ်ထဲပဲ ဝင်ရ
တော့မလိုလို မီဒီယာတွေ ကတဆင့် ဝါဒဖြန့်ချိနေကြ
တာတွေ့ရတယ်။တစ်ချို့ လည်း ဒီလို လုပ်ရမှာ
စိုးလို့ ထွက်ပြေးနေကြတယ်လို့ ညောင်လေး
ပင် ဘက်က ဒေသခံတွေ မေးလာ ပြောလာ
ကြလို့ အခုလို ရှင်းပြနေရတာ ဖြစ်ပါတယ်။
ကိုယ့်အသက်အန္တရာယ် ၊ ကိုယ့်မိသားစုအသက်
အန္တရာယ်၊ ကိုယ့်ရပ် ၊ ကိုယ့်ရွာ ၊ ကိုယ့်ဒေသ
အန္တရာယ် မကျရောက်ဖို့ လုံခြုံမှုရှိစေဖို့
အိုးမကွာ ၊ အိမ်မကွာနဲ့ ကာကွယ်စောင့်ရှောက်
နိုင်ဖို့ ပြည်သူ့စစ်ဖွဲ့စည်းနေတယ် ဆိုတာကို
နားလည် သဘောပေါက်ကြဖို့ ပြောချင်ပါတယ်။
ဒီနေရာမှာ တစ်ချို့ဖရဲသီးဝန်ထမ်းတွေ က
ရပ်ကျေးတွေနဲ့ ပေါင်းပြီး လုပ်စားနေတာတွေ
ကို လည်း ဖော်ထုတ်အရေးယူဖို့ လိုတယ်။
ဘယ်လို လုပ်စားနေသလဲ ဆိုတော့ ပြည်သူ့စစ်
ကို စည်းရုံးပြီး ဖွဲ့စည်းခိုင်းထားတာကို အတင်း
အကြပ်ကြီးမလုပ်မနေရ၊ မလုပ်ရင် ငွေ ဘယ်
လောက်ပေး ဆိုတာမျိုး ပဲခူးတိုင်းထဲ က မြို့
နယ်အချို့ မှာ ကြားနေရတယ်။ဒါမျိုးငွေတွေ
တောင်းပြီး အကြံ အဖန် ရှာနေတာတွေ ကို
အမြန်ဆုံးဖော် ထုတ်ပြီး ထိထိရောက်ရောက်
အရေးယူစေချင်တယ်။
နောက်ဆုံး အကြံပေးချင်တာက
နိုင်ငံတော်အစိုးရ အနေနဲ့ ပြည်သူ့စစ်မဟာ
ဗျူဟာ ကို ပြည်သူတစ်ရပ်လုံးသိရှိအောင်၊
ပြည်သူတစ်ရပ်လုံးပါဝင်လာအောင် မူဝါတွေ
ရှင်းရှင်းလင်းလင်းချပြပြီး ကျယ်ကျယ်ပြန့်
ပြန့်သိရှိအောင် လုပ်ပေးသင့်တယ်။ဒေသ
အာဏာပိုင်တွေနဲ့ ဒေသခံ တပ်တွေ ဟာ
ဘာကြောင့် လုပ်ရတယ် ဆိုတဲ့ ရည်ရွယ်ချက်
၊ ဘယ်လို အကျိုးကျေးဇူးတွေ ရမယ် ၊
ဘယ်လောက်အရေးကြီးနေသလဲ ဆိုတာ
တွေ ကို တိတိကျကျ ချပြပေးစေချင်ပါတယ်။
ဒါမှသာ ပြည်သူ့စစ် မဟာဗျူဟာ ကို
အောင်အောင်မြင်မြင် အကောင်အထည်
ဖော်နိုင်မှာ ဖြစ်သလို ပိုမိုပြည့်စုံတဲ့ ပြည်သူ့
လုံခြုံရေးစနစ် ကို လည်း ဖန်တီးပေးနိုင်မှာ
ပဲ ဖြစ်ပါတယ်။
Crd:အောင်နိုင်သူ(ဇွဲကပင်)(21.1.24)
https://t.me/mmcnews007
Post a Comment